Реконструкциялоо планынын негизинде "КУЭТ" ААКтын филиалы Бишкек электр тармактар ишканасы 10 кВ чыӊалуудагы кабелдик чубалгыны жаңысына алмаштырууда. Реконструкциялоо иштери Учкун кичи районунда жүргүзүлүүдө.
2024-жылга карата Бишкек шаары боюнча 15,1 чакырым кабелдик чубалгыларды реконструкциялоо иштери пландалган, анын ичинен Учкун кичи районунда 1 чакырым кабель алмаштыруу иштери жүргүзүлөт. Учурда Учкун кичи районунда 750 м кабель алмаштырылды, жуманын аягына чейин дагы 250 м алмаштыруу пландалууда.
Эски кабелдик чубалгы 2001-жылы ишке киргизилген болчу. Эски кабелдин кесилиши 3*120 мм2 түзгөн. Ал эми жаңы кабелдин кесилиши 3*185 мм2 болуп, кабелдин өткөрүү жөндөмдүүлүгү дагы жогорулады.
Кабелдик чубалгыны реконструкциялоо иштери ушул райондо жашаган керектөөчүлөрдү электр энергиясы менен камсыздоонун сапатын жана ишенимдүүлүгүн жогорулатууга мүмкүндүк берет.
Оңдоп-түзөө иштери кайсы аймакта, качан болору тууралуу маалымат Бишкек электр тармактар ишканасынын официалдуу сайтына http://bipes.nesk.kg/ky/ жана Facebook, Instagram социалдык тармактарындагы баракчаларына жайгаштырылат. Ошондой эле “Мой свет” мобилдик тиркемеси аркылуу да билдирүүлөр келет.
Электр энергиясы боюнча суроолоруңуз болсо, биздин күнү-түнү иштөөчү чалуу борборуна 1209, 105, 0772001209, 0702001209 жана Ватсап 0556001209 номерлерине кайрылсаңыз болот.
