Бүгүн, 22-августа, Бишкек электр тармактары ишканасынын жыйындар залында «Кыргызстан улуттук электр тармагы» ААКтын директорлор Кеңешинин көчмө жыйыны болуп өттү. Жыйынга директорлор Кеңешинин төрагасы Атантай Турдубаев, кеңеш мүчөлөрү Жыргалбек Турускулов, Алымбек Баймуратов, Мирбек Маматов, Ормонбек Кудайбердиев, ошондой эле «КУЭТ» ААКтын башкы директор Алтынбек Дурусбекович Рысбеков жана ишкананын жетекчилиги, өндүрүштүк кызматтардын, бөлүм башчылары катышты.
Иш-чаранын жүрүшүндө төмөнкү маселелер каралды::
1. 2025-жылдын алты айынын ичинде Бишкек электр тармактары ишканасынын ишинин жыйынтыгы;
2. Бишкек электр тармактары ишканасынын 2025-2026-жылдардагы күз-кыш мезгилине даярдыгы;
3. Бишкек электр тармактары ишканасынын электр энергиясын сатуу жана капиталдык курулуш боюнча отчеттору угулду.
Жыйынды Бишкек электр тармактары ишканасынын директору Азамат Паизов ачып, андан соң директордун орун басарлары аткарылган иштер жана 2025-2026-жылдардагы күз-кыш мезгилине даярдык боюнча маалымат беришти.
Иш-чаранын жүрүшүндө дебитордук карыздарды азайтуу, курулуш-монтаждоо башкармалыгынын жана «акылдуу» эсептегичтерди (электр энергиясын коммерциялык эсепке алуунун автоматташтырылган системасы) орнотууну иштерин да талкууланды.
20-августа «КУЭТ» ААКтын директорлор Кеңеши Бишкек шаары боюнча Энергосбыт кызматын, Батыш РЭТ, «Ала-Арча», «Ново-Южная», «Ак-кула»жогорку чыңалукдагы көмөк чордорунда кыдырып, административдик имараттардын, өндүрүштүк жайлардын, кампалардын, диспетчердик пункттардын жана автопарктын абалы менен таанышкан. Мындан тышкары, директорлор кеңешинин мүчөлөрү жаңы 110/10кВ “Мурас” жогорку чыңалуудагы подстанциясынын курулушунун жүрүшү менен танышты.
21-августа директорлор Кеңеши Түндүк, Чыгыш РэТтерди, кабелдик чубалгылар кызматы, «Главная», «Восточная», «Ынтымак» жогорку чыңалуудагы көмөк чордондорунда жүргүзүлгөн реконструкциялоо иштерин текшеришти.
Жыйынтыгында, «КУЭТ» ААКтын директорлор Кеӊешинин төрагасы Атантай Турдубаев энергетиктердин негизги милдети – керектөөчүлөрдү ишенимдүү жана үзгүлтүксүз электр менен камсыз кылуу экенин белгилеп, капиталдык курулуш иштерин белгиленген мөөнөттө аяктоонун зарылдыгын баса белгиледи.
