Иш-чарага Бишкек электр тармактары ишканасынын жетекчилиги, түзүмдүк бөлүмдөрү, РЭТтер, Энергосбыт катышты. Талкуунун жүрүшүндө Кыргыз Республикасынын Энергетика министрлигинин долбоорлор боюнча өкүлү Астра Жээналиева акыркы жылдардагы энергетика тармагындагы жүргүзүлүп жаткан реформанын алкагында бир топ алгылыктуу жумуштар аткарылып жатканына токтолуп, алардын бири аталган долбоордун алдында бир топ энергосекторлор жаңыланып, калкты сапаттуу электр энергия менен камсыздап жатканын белгиледи.
Ошондой эле талкууда бөлүштүрүүчү тармактарды реконструкциялоо жана модернизациялоо,
санариптештирүү,социалдык коргоо системаларын чыңдоо жана экологиялык
жактан анализдөө, зыян келтирбөө шарттары боюнча айтылды.
Долбоор энергетика министрлигинин "КУЭТ" ААК тарабынан аткарылууда. Ал 2023-жылы башталып, 2028-жылга чейин уланат.
Эгерде сиздерде «Электроэнергетикалык тармакты модернизациялоо жана туруктуу өнүктүрүү» долбоорун ишке ашыруу мезгилинде сунуштар жана суроо-талаптар болсо төмөнкү телефон номери жана электрондук почта аркылуу кайрылсаңыздар болот:
@pmo.kgz@gmail.com
+996 771 661 223
