«КУЭТ» ААКтын филиалы Бишкек электр тармактар ишканасы 2025-жылы 21 трансформаторду алмаштырып, 336 трансформаторду капиталдык оңдоодон өткөрөт.
Мындан тышкары, Бишкек шаарында капиталдык курулуш планына ылайык кошумча 4 даана трансформатор орнотулуп, 21 даана трансформатор жаңысына алмаштырылат, анын ичинен:
Чыгыш РЭТи -7 даана трансформатор жана 1 кошумча трансформатор
Батыш РЭТи – 8 даана трансформатор жана 2 кошумча трансформатор
Түндүк РЭТи - 6 даана трансформатор жана 1 кошумча трансформатор.
Ошондой эле энергетиктер 1917 даана трансформатордук көмөк чордондорунда оӊдоп-түзөө иштерин жүргүзүшөт, анын ичинен:
Чыгыш РЭТи – 635 даана трансформатор
Батыш РЭТи – 794 даана трансформатор
Түндүк РЭТи – 488 даана трансформатор
Бул иштер керектөөчүлөрдү сапаттуу электр энергиясы менен камсыз кылуу жана электр энергиянын үзгүлтүккө учурашына жол бербөө максатында жүргүзүлүүдө.
Эске сала кетсек, энергетиктер жыл сайын 1-марттан 1-ноябрга чейин келе жаткан күз-кыш мезгилин ийгиликтүү өткөрүүгө даярданышат.
Белгилей кетсек, Бишкек электр тармактар ишканасы 282 090 абонентти тейлейт, анын ичинен 261 466 турак жай жана 20 624 турак жай эмес абоненттер.
2024-жылы энергетиктер тарабынан 314 трансформатордук көмөкчордондо капиталдык оңдоо иштери жүргүзүлүп, 1583 трансформатордун техникалык тейлөөсү жүргүзүлдү.
Электр энергиясы менен камсыздоо боюнча суроолор боюнча биздин күнү-түнү иштеген колл-борборубузга төмөнкү телефондор аркылуу кайрылсаңыз болот: 1209, 105, 0772-001209, 0702-001209, 0556-001209.
